16:34 / 04.05.2022
6861
Фаластин БМТни Исроилга босим ўтказишга чақирди

Таъкидланишича, Фаластин ерларида кескинликнинг кучайишига Нафтали Беннет бошчилигидаги Исроил ҳукумати жавобгар ҳисобланади.

Фото: Reuters

Фаластин ҳукумати БМТни фаластинликларга қарши зўравонликлар сабабли Исроилга босим ўтказишга чақирди

Фаластин ташқи ишлар вазирлиги Исроил кучларининг ноқонуний хатти-ҳаракатлари, мутаассиб яҳудийларнинг Ал-Ақсо масжидидаги фитналари ва Исроил байроғи остида ибодат қилишга чақириқларини қоралади.

«Фаластин ҳудудидаги бузғунчиликлар, зайтун дарахтларининг кесилиши, фаластинлик чўпонларга қилинган ҳужумлар ва Силван шаҳрида синагога қурилиши Исроилнинг кескинликни кучайтириш ва оккупацияни давом эттиришга уринишини билдиради», - дейилади Фаластин ТИВ баёнотида.

Баёнотда айтилишича, Фаластин ерларида кескинликнинг кучайишига Нафтали Беннет бошчилигидаги Исроил ҳукумати жавобгар ҳисобланади.

Top