20:06 / 19.05.2022
8886

YeI parlamenti Rossiya rahbariyatini Ukrainaga hujum qilgani uchun javobgarlikka tortishga chaqirdi

Yevropa adliya masalalari agentligi Rossiyaning Ukrainaga qarshi urushi davomida sodir etilgan harbiy jinoyatlar bo‘yicha surishtiruv o‘tkazishga yordam beradi. 

Foto: Reuters

Yevroparlament Rossiya va uning ittifoqchilarining harbiy va siyosiy rahbariyatini Ukrainaga hujum qilgani uchun maxsus tribunal oldida javobgarlikka tortishga chaqirdi. Deputatlar bu borada tegishli rezolyutsiyani qabul qildi, deb xabar berdi DW.

Hujjatda Rossiyaning Ukrainaga hujumini tergov qilish uchun maxsus xalqaro sud tashkil etish ko‘zda tutilgan.

Bundan tashqari, Yevroparlament deputatlari harbiy jinoyatlar, insoniyatga qarshi jinoyatlar hamda genotsidni ta’qib qilish uchun barcha zarur choralarni ko‘rishga chaqirmoqda. Qayd etilishicha, YeI dalillar yo‘q qilinmasdan turib barcha resurslarni taqdim etishi va zudlik bilan harakat qilishi zarur. 

Yevroparlament shu maqsadda Yevropa adliya masalalari agentligining mandatlarini kengaytirishga rozilik berdi. Agentlik Rossiyaning Ukrainaga qarshi urushi davomida sodir etilgan harbiy jinoyatlar bo‘yicha surishtiruv o‘tkazishga yordam beradi. 

"Rossiya Federatsiyasi 2022 yil 24 fevralda Ukrainaga qarshi harbiy tajovuz boshladi. Ukrainadagi hozirgi jangovar harakatlar davomida insoniyatga qarshi va harbiy jinoyatlar sodir etilgan va etilmoqda deb hisoblash uchun yetarlicha asoslar bor", - deyiladi rezolyutsiya loyihasida.

Mavzu
Rossiya-Ukraina urushi
2022 yil 22 fevral kuni Rossiya Ukraina chegarasidan o‘tib, qo‘shni mamlakatga bostirib kirdi. Ukraina armiyasi jang taklif qildi.
Barchasi
Top