20:00 / 28.05.2022
33449

1 iyundan boshlab benzin narxi oshishi kutilyapti

2022 yil 1 iyun kunidan boshlab neft mahsulotlarida aksiz solig‘i stavkalari oshishi e’lon qilindi.

Foto: Getty Images

O‘zbekiston milliy valutasida belgilangan ayrim aksiz solig‘i stavkalari joriy yilning 1 iyun kunidan boshlab 10 foizga indeksatsiya qilinishi ma’lum qilindi.

Xususan, ayrim neft mahsulotlarining oshirilgan soliq stavkalari endilikda quyidagicha bo‘ladi:

Neft mahsulotlari

  • 1 tonna AI-80 benzini 275 ming so‘m (2021 yil 1 fevraldan beri 240 ming so‘m edi);
  • 1 tonna AI-92, AI-93 va AI-95 benzini 275 ming so‘m (o‘zgarishsiz qoldirilgan);
  • 1 tonna dizel yonilg‘isi 264 000 so‘m (24 ming so‘mga qimmatlaydi).

Yakuniy iste’molchiga sotiluvchi tovarlarga solinadigan aksiz solig‘i

  • benzin – 1 litr uchun 385 so‘m/1 tonna uchun 512 ming so‘m;
  • dizel yonilg‘isi – 1 litr uchun 385 so‘m/1 tonna uchun 468 ming so‘m;
  • suyultirilgan gaz – 1 litr uchun 385 so‘m/1 tonna uchun 730 ming so‘m;
  • siqilgan gaz – 1 kub metr uchun 550 so‘m.

Avvalroq AI-80 markali benzin narxi qimmatlashgani ma’lum qilingandi.

Top