Poytaxtimizda «Alfraganus University» nodavlat oliy ta’lim muassasasi ochildi!

ALFRAGANUS UNIVERSITY oliy ta’lim muassasasi sifatida litsenziyaga ega bo‘ldi va yangi o‘quv yilidan talabalar qabul qilishni boshladi. Oliygoh oliy ta’lim tizimida o‘z yo‘nalishini yaratib, innovatsion ta’lim asosida zamonaviy bilimga ega yuqori malakali, professional lider kadrlar tayyorlash va ularni jamiyatga implemetatsiya qilishni maqsad qilgan.

Yangi oliy ta’lim muassasasida talabalar quyidagi:

ona tili va adabiyot;
boshlang‘ich ta’lim;
maktabgacha ta’lim;
filologiya va tillarni o‘qitish(ingliz,rus,arab tillari);
dasturiy injiniring;
sun’iy intellekt;
pedagogika va psixologiya;
jahon iqtisodiyoti va xalqaro iqtisodiy munosabatlar;
iqtisodiyot;
moliya va moliyaviy texnologiyalar;
soliq va soliqqa tortish;
turizm;
mehmonxona xo‘jaligini tashkil etish;
sport faoliyati kabi 14ta yo‘nalishlarda kunduzgi, kechki va sirtqi ta’lim shakllarida tahsil olishlari mumkin.

ALFRAGANUS UNIVERSITY dunyoning yetakchi universitetlari – Yevropa amaliy fanlar va menejment instituti, Latviya tabiiy fanlar va texnologiyalar universiteti, Britaniya Kolumbiyasi universiteti bilan hamkorlikda faoliyat olib boradi. Ta’lim jarayoniga xorijiy professor-o‘qituvchilar jalb qilinadi.

Universitet kampusida talabalar uchun zamonaviy-innovatsion jihozlar bilan to‘liq ta’minlangan kutubxona, o‘quv zallari, yotoqxona, sport majmuasi tashkil qilingan.