Quyosh elektr stansiyasi korxonaning elektr energiyasiga bo‘lgan ehtiyojining qariyb 30 foizini ta’minlaydi. Ishlab chiqarilgan energiyaning bir qismi shahar tarmog‘iga tushadi va xodimlarning elektr transport vositalarini quvvatlantirish uchun ham ishlatiladi. Ushbu loyiha nafaqat korxona rivojiga qo‘shilgan hissa, balki barqaror rivojlanishni mustahkamlash va mahalliy infratuzilmani qo‘llab-quvvatlashga hissa qo‘shadigan o‘zgarishlar ramzi bo‘ladi. Ochilish marosimida kompaniya vakillari bu global o‘zgarishlar sari birinchi qadam ekanini ta’kidladi.
Tadbirda Kogon tumani hokimi Otabek Qazoqov ishtirok etib, mazkur loyiha nafaqat korxona, balki butun viloyat uchun muhim ahamiyatga ega ekanini qayd etdi. “Bugungi kunda Buxoro viloyatida xorijiy sarmoya ishtirokidagi 350 korxona faoliyat ko‘rsatayotgan bo‘lsa-da, viloyat o‘z salohiyatini endigina ochib berayapti. KNAUF quyosh elektr stansiyasi kabi qayta tiklanadigan energiya manbalari (REM) negizida ishlab chiqariladigan obektlarning ishga tushirilishi mintaqaning yashil iqtisodiyotini rivojlantirish va barqaror o‘sish uchun yangi imkoniyatlar yaratishga xizmat qilmoqda”, — dedi Otabek Qazoqov.
KNAUF O‘zbekiston kompaniyasi bosh direktori “Make tomorrow a home for all of us. Sayyoramizning har bir aholisi global g‘oya - kelajak avlodlar uchun g‘amxo‘rlik bilan harakat qilish asosida yashash va ishlashga majburdir. Bu so‘zlar 2032 yilgacha uglerod izini 50 foizga qisqartirish va 2040 yilgacha uglerod neytralligiga erishish majburiyatini olgan kompaniyaning uzoq muddatli maqsadlarini aks ettirishini ta’kidladi”.
Kompaniyaning “Quyosh elektr stansiya” loyihasi boshqa korxonalari uchun namuna bo‘ldi. Juda qisqa vaqt ichida va munosib texnik darajada amalga oshirilgan bu Gruziya, Polsha, Chexiya va ehtimol boshqa mamlakatlardagi Knauf korxonalarida o‘tkaziladigan eng yaxshi amaliyotdir. Shu ma’noda O‘zbekiston muvaffaqiyatli tajriba maydonchasiga aylandi, balki undan ham ko‘proq.
