EAS sun’iy intellektga asoslangan antidron yechimlarini taqdim etdi va global bozorga chiqishini e’lon qildi

Kompaniya dron tahdidlarini aniqlashga mo‘ljallangan yangilangan EAS DOME tizimi ishlashini jamoatchilikka ko‘rsatdi va xalqaro bozorga chiqish rejalarini ochiqladi. Ta’kidlanishicha, yangilangan EAS DOME ekotizimi sensor ma’lumotlarini avtomatik tahlil qilib, tahdidni tez aniqlash imkonini beradi.

16 fevral kuni Toshkentda mahalliy antidron tizimlari ishlab chiqaruvchi – Electronic Autonomous Solutions (EAS) tomonidan yopiq texnologik forum o‘tkazildi. “InterContinental Tashkent” mehmonxonasida bo‘lib o‘tgan tadbirda 250 dan ortiq ishtirokchi, jumladan, vazirliklar, diplomatik korpus vakillari va davlat korporatsiyalarining top-menejmenti rahbarlari qatnashdi. Forumning asosiy natijasi 2024–2025 yillardagi real tahdidlarni tahlil qilish asosida yaratilgan yangilangan himoya ekotizimining taqdimoti bo‘ldi.

O‘zbekiston bozori uchun EAS loyihasi yuqori texnologiyalar sohasida import o‘rnini bosuvchi mahalliy yechim sifatida ko‘rilmoqda. 2022 yilda tashkil etilgan kompaniya qisqa vaqt ichida ilk prototiplardan portativ, statsionar va mobil antidron tizimlarini seriyali ishlab chiqarish bosqichigacha yetib keldi.

Inson kapitali va mutaxassislar qaytishi

EAS biznes modelining asosi – o‘z ilmiy-tadqiqot va tajriba-konstruktorlik (loyiha) ishlariga e’tibor qaratishdir.

 Bugungi kunda kompaniya shtatida 70 ga yaqin mutaxassis faoliyat olib bormoqda, ularning aksariyati texnik xodimlar hisoblanadi. Rahbariyat xalqaro tajribaga ega kadrlarni jalb etishga alohida e’tibor qaratmoqda.

“Bugungi kunda jamoamizda AQShdan O‘zbekistonga qaytgan mutaxassislar ishlamoqda. Xorijiy texnologik kompaniyalarda faoliyat yuritayotgan yurtdoshlarimizni olib kelib, ularga mamlakatimizda sharoit yaratib berishni maqsad qilganmiz. Bu global rivojlanish standartlarini mahalliy mahsulotga integratsiya qilish imkonini beradi”, – deydi EAS bosh direktori Azizbek Ubaydullayev.

Qaror qabul qilishda avtomatlashtirish va SI

Yangi EAS DOME tizimining texnologik yadrosi ilgari katta inson resurslarini talab qilgan jarayonlarni avtomatlashtirishga asoslangan.

EAS DOME yechimi sensorlardan keladigan ma’lumotlarni tahlil qilishda sun’iy intellektni joriy etishni nazarda tutadi. Tizim to‘rt bosqichli algoritmdan foydalanadi: radiochastotali skanerlash, radar bilan tasdiqlash, vizual kuzatib borish va sun’iy intellekt yordamida nishonni tasniflash. Faqat obekt to‘liq identifikatsiyalanganidan so‘ng, tizim neytrallash ssenariylarini taklif qiladi: radioelektron bostirishdan tortib, avtomatik koordinatalar bo‘yicha ishlaydigan tutib oluvchi FPV dronlardan foydalanishgacha.

EAS texnik direktori Behzod Sulaymonov nima uchun sun’iy intellektni joriy etish xavfsizlik sanoati uchun juda muhim ekanligini tushuntirdi.

“Bugungi kunda turli sensorlardan kelayotgan ma’lumotlar shunchalik ko‘pki, ularni tezkor qayta ishlash uchun inson resurslari yetarli emas. Biz qaror qabul qilishni osonlashtirish uchun boshqaruv va nazorat tizimiga sun’iy intellektni joriy qildik. Vazifamiz axborot oqimini tahlil qiladigan va mas’ullar uchun tayyor javob ssenariylarini tayyorlaydigan tizimni yaratishdan iborat”, – deydi Behzod Sulaymonov.

C2 va C4 standartlari: havo bo‘shlig‘ini to‘liq nazorat qilish arxitekturasi

Taqdimotda C2 va C4 standartlarini joriy etishga alohida e’tibor qaratildi. Bu tizimlar barcha himoya vositalarini yagona raqamli tarmoqqa birlashtirib, yuqori texnologiyali datchiklar to‘plamini osmonni boshqarishning qudratli intellektual ekotizimiga aylantirgan holda havo hududini to‘liq nazorat qilish imkonini beradi.

Agar C2 (command and control) protokollari yagona tezkor vaziyatni shakllantirib, himoya resurslari o‘rtasida vazifalarni taqsimlashni avtomatlashtirsa, C4 (command, control, communications and computers) arxitekturasi ma’lumotlarni o‘ta qisqa vaqt ichida almashish va ulkan hisoblash quvvatlari uchun poydevor yaratadi. Bunday yondashuv shtab, mobil guruhlar va avtonom modullar faoliyatini real vaqt rejimida sinxronlashtirish orqali havo hududini to‘liq nazorat qilish imkonini beradi.

C4 – jarayonning boshlang‘ich nuqtasi hisoblanadi. Keyingi bosqich esa sun’iy intellektga asoslangan qaror qabul qilishni qo‘llab-quvvatlash tizimini joriy etishdan iborat. Kompaniya oddiy monitoringdan boshqaruvning intellektual, prognozlovchi va tavsiyaviy modeliga o‘tmoqda. Bugun EAS C4 arxitekturasini yaratayotgan bo‘lsa, ertaga sun’iy intellektga tayanadigan to‘liq raqamli xavfsizlik ekotizimini shakllantiradi.

Biznes strategiyasi va global maqsadlar

Forum davomida kompaniya 2026 yilda xalqaro bozorga chiqish bo‘yicha strategik maqsadini rasman e’lon qildi. Mahalliy ishlab chiqaruvchining asosiy ustunligi moslashuvchan tizim arxitekturasida: ular mijozning mavjud xavfsizlik infratuzilmasiga oson ulanadi hamda ekstremal iqlim sharoitlariga moslashgan bo‘lib, to‘liq mustaqil quvvat manbai hisoblanadi va himoyalangan korpusga ega.

Forum mutaxassislari eksport faoliyatiga o‘tishni mintaqaning texnologik yetukligini tasdiqlashning mantiqiy bosqichi sifatida baholamoqda. Uchuvchisiz uchish apparatlarini aniqlash va zararsizlantirish tizimlarini ishlab chiqish bo‘yicha o‘z maktabiga ega bo‘lish O‘zbekistonga xorijiy yetkazib beruvchilarga qaram bo‘lmaslik va havo makonida xavfsizlik standartlarini mustaqil ravishda shakllantirish imkonini beradi. Bugungi kunda bu iqtisodiyotning uzoq muddatli barqarorligi va texnologik mustaqilligini ta’minlashning zaruriy shartiga aylanmoqda.

Sayt: eascompany.uz

Instagram: @eascompany.uz