«O‘zbekiston temir yo‘llari» AJ tomonidan Toshkent–Termiz–Toshkent yo‘nalishida 280/279-sonli yo‘lovchi poyezdlari qatnovi yo‘lga qo‘yildi. 

Foto: Kun.uz

Jamiyat vakilining Kun.uz muxbiriga ma'lum qilishicha, mazkur poyezdlar qatnovi 25,27,29 dekabr kunlari Toshkent–Termiz, shuningdek, 26,28 va 30 dekabr kunlari Termiz–Toshkent yo‘nalishida amalga oshiriladi. 

«Ushbu qatnov bayram oldi va bayram kunlari yo‘lovchilarga transport xizmatlarini ko‘rsatishni yanada oshirish va ularga ko‘proq qulaylik yaratish maqsadida yo‘lga qo‘yildi. Chiptalarimizni elektron tarzda ham xarid qilish mumkin.

Qo‘shimcha ma'lumotlarni Toshkent shahrida 1005 qisqa telefon raqami, joylardagi temir yo‘l kassalari hamda ma'lumotlar byurosidan bilib olish mumkin», deyiladi manba ma'lumotida.