Ta'lim inspeksiyasi: Hozirgi test tizimi faqat xotirani aniqlashga qaratilgan

{Yii::t(}

O'tkazib yuborish 6s

O'tkazib yuborish

2021 yildan boshlab oliy ta'lim muassasalariga qabul qilishda milliy sertifikatsiya tizimi joriy qilinmoqda. Bu tizim 7 ta fandan: birinchi bosqichda ona tili va adabiyot (o‘zbek tili va adabiyoti; rus tili va adabiyoti; qoraqalpoq tili va adabiyoti) hamda matematika fanlaridan, ikkinchi bosqichda kimyo va biologiyadan, uchinchi bosqichda fizika, geografiya va tarix fanlaridan yo‘lga qo‘yilishi ko‘zda tutilgan.

Mazkur sertifikatni berish uchun tuziladigan test savollari davlat ta'lim standartlariga mos ta'lim o‘quv dasturiga muvofiq Xalq ta'limi vazirligi va Ta'lim sifatini nazorat qilish davlat inspeksiyasi tomonidan amalga oshiriladi. Buni ishlab chiqishda Angliya, AQSh va Rossiya kabi mamlakatlar test tizimlari o‘rganib chiqilgan. Inspeksiya huzuridagi Milliy tadqiqotlar markazi tomonidan PISA, PIRLS kabi xalqaro tadqiqotlar ham o‘rganilgan.

«Izlanishlar natijasida ma'lum bo‘ldiki, hozirgi test tizimimiz faqatgina xotirani aniqlashga, yod olishga qaratilgan. Shuning uchun OTMga kirmoqchi bo‘lgan abituriyent repetitorlardan ko‘mak izlashi tabiiy. Maktablarda ayni paytda bolalarni izlanuvchanlikka, kreativ yondashuvga undaydigan tizim yo‘lga qo‘yilyapti. Bu tizim orqali bir nechta samarali jarayonlar yo‘lga qo‘yiladi: ta'lim jarayoni qatnashchilarining ta'limga munosabati, test tizimida o‘quv metodikasi va nihoyat ta'lim sifati o‘zgaradi», deydi inspeksiya mutaxassisi.