«Tekshiruvchi ham, tekshiriluvchi ham bitta tuzilmada» - Nig‘matilla Yo‘ldoshev inspeksiyalar mustaqil emasligi haqida
Senatning 14-yalpi majlisida so‘zga chiqqan bosh prokuror Nig‘matilla Yo‘ldoshev vazirlik va idoralar qoshidagi inspeksiyalar faoliyati qanchalik xolisligini savol ostiga oldi.
![](https://storage.kun.uz/source/7/Hb7cLMFC137X1nuqYkBkH-YliMzbs5rt.jpg)
Foto: Oliy Majlis Senati axborot xizmati
«Ming afsuski, hozirgi kunda 10 dan ortiq nazorat-tekshiruv idoralari bir vazirga bo‘ysunadigan qilib, tuzilmasi tasdiqlangan. Tasavvur qiling, bir vazirlikda ham tekshiruvchi, ham tekshiriluvchi bo‘ladigan bo‘lsa, bu yerda hech qanaqa tom ma'nodagi haqiqiy nazorat bo‘lmaydi.
Eng asosiysi, nazorat-tekshiruvchi idoralarga mustaqil, xolis faoliyat ko‘rsatish uchun shart-sharoit yaratib berishimiz kerak. Bu borada biz prokurorlik munosabatimizni Vazirlar Mahkamasiga ham berganmiz. Agar takliflarimiz inobatga olinib, har bir nazorat-tekshiruv idorasi mustaqil faoliyat ko‘rsatadigan bo‘lsa, har bir sohada ko‘plab qonunbuzilishlar bartaraf qilingan bo‘lar edi.
Respublika miqyosida 50 dan ortiq nazorat idoralari bor, ular tomonidan o‘tgan yilning o‘zida aniqlangan faqatgina talon-toroj holatlari bo‘yicha jamlangan qiymat huquqni muhofaza qiluvchi sanoqli organlar aniqlagan talon-torojliklar qiymatining uchdan ikkisini tashkil qiladi. Ya'ni 33 foizga kam.
Aniq misollar keltirsam. Mana, Energetika vazirligi qoshidagi O‘zneftegazinspeksiya 6 mingdan ortiq obektni doimiy nazorat qilish kerak. 150 dan ortiq mas'ul inspektorlar ham bor. Ularga davlat tomonidan oylik to‘lanadi. Ular ikki yil mobaynida o‘z tashabbusi bilan birorta ham tekshirish o‘tkazmagan. Bir so‘m ham zarar aniqlashmagan. Vaholanki, biz ikki yil davomida [shu sohada] 300 mlrd so‘mlik zarar yetkazilganini aniqladik va uni to‘liq undirish choralarini ko‘rdik.
Boshqa bir misol. Transport vazirligi tizimida yuklarni tashish faoliyati bilan bog‘liq inspeksiya ikki yil davomida 8 mingta qonunbuzilish holatini aniqlagan. Lekin birortasi ham huquqiy baho berish uchun huquqni muhofaza qilish idoralariga yuborilmagan. Yuborilmadimi, demak, bu yashirildi degani.
O‘ylaymanki, hukumat bu masalani ko‘rib chiqib, o‘z qat'iy munosabatini bildirsa, ishimizda yana ham samara bo‘lgan bo‘lardi», – deya Nig‘matilla Yo‘ldoshevning so‘zlarini keltirmoqda Kun.uz muxbiri.
Tavsiya etamiz
O‘zbekistonda kitob o‘qigan mahkumning jazo muddati qisqartirilishi mumkin
O‘zbekiston | 18:19 / 13.02.2025
Tramp va Mask demontaji: USAID o‘rnini Xitoy egallamoqda
Jahon | 16:35 / 13.02.2025
Ka’ba atrofida rasmga tushish taqiqlandimi?
Jamiyat | 14:35 / 13.02.2025
Tramp Putin va Zelenskiyga telefon qildi. Asosiy ma’lumotlar
Jahon | 13:32 / 13.02.2025
So‘nggi yangiliklar
-
Zelenskiy foydali qazilmalar bo‘yicha AQSh bilan kelishuvni nega imzolamaganini tushuntirdi
Jahon | 23:15
-
Qo‘qonda ko‘pyillik daraxtni kesmoqchi bo‘lgan fuqarolar qamoqqa olindi
Jamiyat | 23:02
-
Killerlarga hukm, gullayotgan korrupsiya va kayfiyati tushayotgan biznes - hafta dayjesti
O‘zbekiston | 22:40
-
Tramp o‘zini Maskdan «ajratishga» urinishlar haqida gapirdi
Jahon | 22:06
Mavzuga oid
![](https://storage.kun.uz/source/thumbnails/_medium/10/_kaBRUoWw0KSbd-WXdCva1N_PL33HK0C_medium.jpg)
16:40 / 14.01.2025
Sport kurashlari assotsiatsiyasida Salim Abduvaliyevning o‘rniga yangi rahbar saylandi
![](https://storage.kun.uz/source/thumbnails/_medium/10/trSUO8uB_YPbfjUjd_NVwG1RIqNHAlKL_medium.jpg)
19:01 / 11.11.2024
O‘zbekiston va Saudiya bosh prokurorlari tergov va axborot almashinuvida hamkorlik bo‘yicha kelishuv imzoladi
![](https://storage.kun.uz/source/thumbnails/_medium/10/jGtAcSQhs4e2AOETdXIAuTopRESgBZZv_medium.jpg)
18:41 / 16.08.2024
Nig‘matilla Yo‘ldoshev Kurash federatsiyasi raisligiga qayta saylandi
![](https://storage.kun.uz/source/thumbnails/_medium/10/G3l_Ae2NL2BVN5aRY95JqExg-coI1trd_medium.jpg)
18:42 / 19.07.2024