Қўшимча функционаллар
-
Тунги кўриниш
Тошкентдаги 31 та ОТМда дарслар соат 9:30 дан бошланади
Тошкент шаҳрида қатор олий таълим муассасаларида дарсларнинг бошланиш вақти ўзгаради. Бу қарор метродаги тирбандликни камайтириш мақсадида қабул қилинган.
9 январдан Тошкентда метро бекатларга яқин жойлашган 31 та ОТМда дарс жараёнининг бошланиш вақти ўзгартирилади. Бу ҳақда Олий ва ўрта махсус таълим вазирлиги матбуот хизмати хабар қилди.
Маълум қилинишича, мазкур қарор пойтахт метрополитенида йўловчи оқимини тўғри тақсимлаш, талабаларнинг ўз вақтида дарс машғулотларига етиб боришлари учун қулайлик яратиш мақсадида қабул қилинди.
Транспорт вазирлиги, Олий ва ўрта махсус таълим вазирлиги ҳамда Тошкент шаҳар ҳокимлиги томонидан қабул қилинган қарорда келтирилишича, тегишли таълим муассасаларида иш графиги мақбуллаштирилгандан сўнг тиғиз вақтларда метрополитенда йўловчи оқимини тўғри тақсимлаш бўйича қўшимча чоралар кўрилади.
Эслатиб ўтамиз, президент қарори билан 2023 йил 1 январдан Олий ва ўрта махсус таълим вазирлиги негизида Олий таълим, фан ва инновациялар вазирлиги ташкил этилди. 2022 йил охирида ҳукумат таркиби янгиланиб, собиқ инновация вазири Иброҳим Абдураҳмонов бу вазирликка вазир этиб тайинланди. Олий таълим вазирлигининг собиқ раҳбари Абдуқодир Тошқулов президент маслаҳатчисига ўринбосар бўлганди.
Мавзуга оид
16:06
Қурилиш вазирлигининг биноси 182,5 млрд сўмга сотилди
16:00
Онкология шифохоналари ёпилиши: узаядиган беморлар навбати ва ёпиқ қарорлар хавфи
18:10 / 15.12.2025
Тошкентда яшовчи шахс уйини таъмирлаш чоғида граната ва бошқа қуролларни топиб олди
14:26 / 15.12.2025