Афғонистон ва Қирғизистонда 4,2 ҳамда 4,3 магнитудали зилзила содир бўлди. Бу ҳақда ФВВ Сейсмопрогностик мониторинг Республика маркази хабар қилди.
Фото: Getty Images
10 феврал куни Тошкент вақти билан соат 09:40 да Афғонистонда зилзила содир бўлди.
Зилзила координаталари: 36,38 градус шимолий кенглик; 71,28 градус шарқий узунлик. Магнитуда М=4,2. Чуқурлик 243 км. Зилзила эпицентри Тошкентдан 572 км жануби-шарқда.
Шунингдек, 10 феврал куни Тошкент вақти билан соат 10:24 да Қирғизистонда зилзила содир бўлди.
Зилзила координаталари: 41 градус шимолий кенглик; 74,11 градус шарқий узунлик. Магнитуда М=4,3. Чуқурлик 15 км. Зилзила эпицентри Тошкентдан 411 км жануби-шарқда.
