КХДР АҚШ билан саммитни бекор қилиш ҳақида таҳдид қилди

Шимолий Корея ташқи ишлар вазирининг биринчи ўринбосари Ким Ке Гван АҚШ президентининг миллий хавфсизлик масалалари бўйича маслаҳатчиси Жон Болтонни Корея ярим оролини Ливан мисолидек ядросизлантириш бўйича таклифи учун танқид остига олди. Бу ҳақда NHK телеканали Корея Марказий телеграф агентлигига асосан хабар қилган.

АҚШ билан музокараларда узоқ вақтдан бери иштирок этиб келаётган Ким Ке Гваннинг баёнотида айтилишича, КХДР Ироқ ва Ливиянинг йўлидан кетмоқчи эмас. Унинг фикрича, бу давлатларда, улар ғарб мамлакатларига бўйсунганидан кейин таназзул юз берди.

Ким Ке Гваннинг қўшимча қилишича, КХДР мамлакат етакчиси Ким Чен Ин ва АҚШ президенти Дональд Трампнинг учрашувини бекор қилиши мумкин. Бу Қўшма Штатлар босим ўтказиш сиёсатини давом эттирса юз беради. Ҳозирча саммит 12 июнга белгиланган, у Сингапурда бўлиб ўтиши керак.

Эслатиб ўтамиз, аввалроқ КХДР Трамп билан музокаралар қандай шартда ўтказилишини маълум қилганди.