KXDR Tramp bilan muzokaralar qanday shartda o‘tkazilishini ma'lum qildi

Shimoliy Koreya Qo‘shma Shtatlar prezidenti Donald Tramp nafaqat yadro muammosini hal qilish, balki Pxenyan bilan munosabatlarni yaxshilashdan ham manfaaatdor bo‘lsagina AQSh bilan oliy darajada muzokaralarni o‘tkazadi. Bu haqda mamlakat TIV rahbarining birinchi o‘rinbosari Kim Ge Gvan ma'lum qildi.

"Agarda, Tramp ma'muriyati AQSh va KXDR o‘rtasida oliy darajadagi muzokaralarga Amerika-Koreya munosabatlarini yaxshilash bo‘yicha samimiy manfaatdorlik bilan chiqsa, unda bizning javob ijobiy bo‘ladi", - deya vazir o‘rinbosarining bayonotini keltiradi Janubiy Koreyaning Ryonxap agentligi.

Kim Ge Gvanning so‘zlariga ko‘ra, biroq agar KXDR yadrosizlanish haqida bir tomonlama talabni eshitsa, unda Pxenyanda “bunday muloqotga qiziqish bo‘lmaydi”.

Ma'lumot uchun: Tramp va KXDR yetakchisi Kim Chen Inning muzokaralari Singapurda 12 iyun kuni bo‘lib o‘tishi kerak.

Avvalroq, KXDR rasmiylari Janubiy Koreya bilan 17 may kuniga belgilangan oliy darajadagi uchrashuvni, shuningdek, 12 iyun kuni o‘tkazilishi kerak bo‘lgan AQSh ishtirokidagi sammitni bekor qilishga qaror qilgani aytilgandi.

Janubiy Koreya esa KXDRning vazirlar darajasida muzokaralar o‘tkazishdan to‘satdan bosh tortgani tufayli afsusda ekanini bildirdi.