«Сизларни қўллаб-қувватласак, олган видеоларингиз дунёга чиқади». Жаҳонгир Ортиқхўжаев TikTok’чиларга хайрихоҳлик билдирди

«Азиз тиктокерлар, ижодингизга омад тилаймиз! Биз доим сизлар билан биргамиз. Ҳозир қилаётган, кўрсатаётган видеоларингиз кимлар учундир енгил-елпи кўринаётгандир. Лекин бу сизларнинг ёшингиз категорияси. Бироз улғайганингиз сари яхшироқ, жиддийроқ видеолар оласизлар. Лекин ҳозирдан сизларни қўллаб-қувватласак, ўйлайманки, олган клип ва материалларингиз дунёга чиқади. Зотан, дунёга чиқиб ҳам бўлдингиз», деди ҳоким ўз сўзида.

{Yii::t(}

Ўтказиб юбориш 6s

Ўтказиб юбориш

Тадбирда йилнинг энг иқтидорли ТikTok’чиси, энг тез ўсувчи аккаунт, энг кўп томоша қилинган видео, мусиқали ТikTok, энг кўп обуначига эга ТikTok’чи, йил челленжи, йил хэштеги каби 12 йўналишда ғолиб бўлган ёшлар тақдирланди.

Блогер Озодбек Манноповнинг айтишича, ТikTok ва Instagram тармоқлари ўртасида катта фарқ мавжуд.

«Биз асосан Instagram’да фаолият олиб борамиз. Бугун ўзимизга ўхшаган ижодкорларни кўриб тажриба алмашяпмиз.

Москва ва Европада ТikTok жудаям оммалашган. Менинг ҳозирда ТikTok’да 150 мингга яқин, Instagram’да 300 мингга яқин обуначиларим бор.

ТikTok Instagram’дан анча фарқ қилади. Унда асосан мусиқаларга ишланади. Дуэт қилинади, рақсга тушилади. Instagram бошқа нарса. Шунинг учун ТikTok’дан озгина четроқда юришга ҳаракат қиламиз. Менимча, ТikTok’ни чеклаб туриш керак. Чунки унда чегара йўқ. Instagram‘да эса чегара бор. Мисол учун, унда бачкана нарса қилинса, кўришлар сони кам бўлади ёки одамлар негатив фикрлар билдиришади. ТikTok’ка эса дуч келган нарса кириб кетаверади. Одамлар лайк йиғиш учун ҳамма нарса қилиб кўришмоқда», деди тадбир иштирокчиси Kun.uz мухбирига берган интервьюсида.