Лвивда тайёрланаётган дронлар ва Одессадаги вайронгарчиликлар. Уруш суратлари

Украинада урушнинг 739-куни ўтди. Асосий маълумотлар:

• Одессадаги турар жой биносига россияликлар дрони зарбаси оқибатида ҳалок бўлганлар сони 12 кишига етди, қурбонлар орасида беш бола ҳам бор.
• Россия мудофаа вазирлиги 3 мартга ўтар кечаси Қрим устида 38 та дрон уриб туширилгани ҳақида хабар берди. Украина томони буни изоҳламаган.
• Володимир Зеленский Украина қуролли кучлари бош қўмондони Олександр Сирскийга армияда кадрлар ўзгариши бўйича карт-бланш тақдим этди.
• РФ инсон ҳуқуқлари бўйича вакили Татяна Москалкова Ил-76 ҳалокати вақтида ҳалок бўлган украин ҳарбий асирларининг жасадлари «яқин вақтлар ичида» Украинага қайтарилишини маълум қилди.
• Донецк областининг Мирноград ва Покровск шаҳарларида РФ армиясининг ракета зарбаси оқибатида беш киши жароҳатланди.
• Донецк областининг Курахово шаҳрига авиазарба йўлланиши оқибатида тинч аҳоли вакилларидан 16 нафари яраланган.

Одесса россияликлар дрони ҳужумидан кейин

2 мартга ўтар кечаси россияликлар дрони Одессадаги кўп квартирали уйга бориб урилди: 3 март куни кечқурун берилган маълумотларга кўра, 12 киши зарба қурбони бўлган, шундан беш нафари — болалар. Қуйида ушбу ҳужумдан кейин воқеа жойида иш олиб борган ишчилар ва қутқарувчилар акс этган.

Авдийивка яқинидаги Курахово шаҳридаги вайронгарчилик

Курахово — Донецк областида рус қўшини феврал ойи ўрталарида тўлиқ эгаллаб олган Авдийивкадан 35 километр жануби-ғарбда жойлашган шаҳар. Сўнгги бир неча ой давомида шиддатли жанглар кечган Авдийивкага яқинлиги туфайли Курахово ҳам отишмалардан жиддий жабрланган. 3 март куни РФ армиясининг шаҳарга ҳужуми оқибатида тинч аҳоли вакилларидан 16 киши яраланди. 

Часив Яр яқинида украинлар танки

Лвивда дронлар ишлаб чиқарилиши