Тўйтепа шаҳри Тошкент вилоятининг маъмурий марказига айлантирилади

Тошкент вилоятининг маъмурий маркази тез орада Ўзбекистон пойтахтидан Тўйтепа шаҳрига ўтказилади. Айни вақтда, шаҳар Тошкент вилояти Ўрта-Чирчиқ туманининг маъмурий маркази ҳисобланади. 

Бу ҳақда, Ўзбекистон Республикаси Президенти Шавкат Мирзиёев Тошкент вилоят Халқ депутатлари кенгашининг навбатдан ташқари сессиясидаги маърузасида сўз юритди. 

«Икки-уч йилдан сўнг, Тўйтепа тўлиқ янги кўриниш касб этади: бу ерда янги уйлар пайдо бўлади. Тошкентдан бу шаҳарга тезюрар автомагистраль қурилади», — деган Мирзиёев. 

2016 йил 15 декабрь куни халқ депутатлари Тошкент вилояти Кенгашининг навбатдан ташқари сессияси бўлиб ўтгани, унда Ўзбекистон Республикаси Президенти Шавкат Мирзиёев иштирок этгани хабар қилинган эди. 

Сессияда ташкилий масала кўрилган, Ўзбекистон Республикаси Президенти Шавкат Мирзиёев тавсиясига биноан Ангрен шина заводи директори лавозимида ишлаб келаётган Шукурулло Бобоев Тошкент вилояти ҳокими этиб сайланганди. 

1973 йилда шаҳар мақомини олган Тўйтепада 29 мингдан ортиқ аҳоли истқомат қилади. У Тўйтепа темир йўл бекатидан 4 км узоқликда, Тошкент-Қўқон автойўли ёнида, Тошкент шаҳридан 25 км жанубда жойлашган.