Қўшимча функционаллар
-
Тунги кўриниш
Қозоғистонда совуқ туфайли йўлда қолиб кетган автобуслардан ўнлаб ўзбекистонликлар эвакуация қилинди
Ақтўбе областида ноқулай об-ҳаво шароити туфайли йўлда қолиб кетган иккита йўловчи автобусидан 69 нафар ўзбекистонлик эвакуация қилинди. Улар умумтаълим мактаби ва масжидга вақтинча жойлаштирилган.
Фото: Ақтўбе вилояти Фавқулодда вазиятлар департаменти
11 январ куни Қозоғистоннинг бир неча кундан буён совуқ ҳарорат (-30 даражагача) кузатилаётган Ақтўбе области ҳудудида, «Самара—Чимкент» автомобил йўлида Ўзбекистоннинг жами 69 нафар фуқароси бўлган икки автобус ноқулай об-ҳаво туфайли йўлда қолиб кетди. Қозоғистон ФВВ хабарига кўра, ноқулай об-ҳаво оқибатида йўл тўсилиб қолгани сабабли барча йўловчилар Ирғиз райони ҳудудидаги умумтаълим мактабига жойлаштирилган.
Бу автобусда Қозоғистоннинг 3 нафар ва Ўзбекистоннинг 38 нафар фуқароси бўлган.
Шу куни Айтекебий районида, худди шу трассанинг 968-километрида яна бир йўловчи автобусига ёрдам зарурлиги ҳақида маълумот келиб тушган. Автобусда Ўзбекистоннинг 31 нафар фуқароси бўлган. Улар Қорабутак қишлоғидаги масжидга жойлаштирилган.
Бундан олдинроқ Россиянинг Нижний Новгород областида 40 даража совуқда қолган «Москва-Ўзбекистон» йўналишидаги микроавтобуснинг 19 нафар йўловчиси полиция томонидан қутқарилгани хабар қилинганди.
Мавзуга оид
13:50
Қозоғистон ва Ўзбекистон темирйўлда юк ташиш ҳажмини ошириш бўйича келишувга эришди
22:36 / 19.02.2026
Қозоғистон ва яна тўрт давлат Ғазодаги хавфсизлик кучларига қўшин юборади
09:36 / 14.02.2026
Қозоғистонлик спортчи Олимпиада-2026да олтин медални қўлга киритди
17:07 / 12.02.2026