Хитой жанубига Миринаэ тўфони ёпирилди

Хитойга ёпирилган Миринаэ тўфони 26 июль кечки пайт мамлакатнинг жанубидаги Хайнань оролига етиб келди ва ҳукуматни шторм огоҳлантиришини эълон қилишга мажбур қилди, деб хабар бермоқда "Синьхуа" ахборот агентлиги.  

Тўфон жорий йилда Хитойга ёпирилаётган учинчи тўфон бўлди.

Тўфон Дунгао уездига маҳаллий вақт билан соат 22.20 да етиб келди ва унинг максимал тезлиги соатига 100 км га етган. Маълум қилинишича, штормдан олдин 25 мингта балиқ овловчи шхуна денгиздан соҳилга қайтган. Шунингдек, Хайнань ва Гуандан вилояти орасида барча йўловчи кемаларининг ҳаракатланиши тўхтатилган. 

Маълум қилинишича, тўфон ўзи билан Хайнань ороли, Лэйчжоу яримороли, Гуандун вилояти ва Гуанси-Чжуан мухтор туманига кучли шамол ва жалали ёмғирлар олиб келади.