Санкт-Петербургда ўзбекистонлик иштирокида жиноят содир этилди

24-август куни Россиянинг Санкт-Петербург шаҳри Красногвардейск туманида иккита енгил машина унчалик жиддий бўлмаган тўқнашувни содир этишгач, у таъқиб қилиш ва ҳаракатланиш чоғида ўқ узиш билан давом этган, деб хабар қилмоқда «Оперативное прикрытие» янгиликлар агентлиги.

Маълум бўлишича, «Дэу Нексия» ва «Тойота Королла» машиналари Шаумян проспекти 39-уй яқинида тўқнашиб кетган. Иккинчи машина ҳайдовчиси, маҳаллий компаниялардан бирининг 25-ёшли курьери айтишича, ушбу ҳодисадан сўнг, «Дэу» ҳайдовчиси уни таъқиб қилган ва қувиш чоғида «Тойота Королла»га қарата 8 марта ўқ узган. Шу билан «Тойота»га зарар етказилган. 

Жабрланувчининг аризасига мувофиқ, шаҳар полицияси 52-бўлими ходимлари «ковбой»ни ҳибсга олишган. У, 25-ёшли ўзбекистонлик бўлиб, Петербургда истиқомат қилиш муддати ўтиб кетгани ҳам аниқланган. Гувоҳлар шоҳидлигида, ундан металл шарлар билан тўлдирилган пневматик пистолет ва иккита газ баллончаси мусодара қилинган.