Эрдўған Қурбон ҳайитигача Сурияда сулҳга эришиш ниятида

Туркия президенти Ражаб Тоййиб Эрдўған Ҳангжоуда бўлиб ўтган G20 саммитида, мусулмонларнинг Қурбон ҳайити байрамигача Сурияда сулҳга эришиш борасида умид қилаётганини билдирди. Қурбон ҳайити келаси ҳафта 12 сентябрь куни нишонланади, деб хабар қилган РИА «Новости» агентлиги.

Эрдўғаннинг айтишича, Туркия Россия билан Суриянинг Ҳалаб шаҳридаги вазиятга барҳам бериш масаласини муҳокама этган. 

Бундан ташқари, Туркия раҳбарининг қайд этишича, у АҚШ ва Россия давлат раҳбарларига Сурия шимолида парвозлардан холи ҳудудини ташкил этиш таклифини билдирган.