Эрон нефть қазиб олишни кўпайтиришда давом этади

Нефть қазиб олиш бўйича дунёнинг етакчи мамлакатларидан бири, Эрон Ислом Республикаси яқин ойларда “қора олтин” қазиб олиш ҳажмини кўпайтириш ниятида, дея хабар қилмоқда CNBC телеканали.

Шу йил билан мамлакат ҳукумати Россия ва Саудия Арабистони ҳукуматлари ўртасида нефть бозоридаги нарх-навони барқарорлаштиришга қаратилган қазиб олиш ҳажмини қисқартириш тўғрисидаги битимга эътибор бермасликка қарор қилган. 

«Бизнинг қазиб олиш тезлигимиз бугунги кунда 3,8 млн баррелни ташкил этмоқда. Санкциялар жорий қилингунча бу рақам бир кеча-кундузда 4 млн баррелдан ортиқ эди», — дейилади Эрон миллий нефть компанияси (NIOC) хабарида.

Бундан ташқари, Эрон яқин орада нефть бозорига янги навдаги хом-ашёни чиқармоқчи.