Футзал бўйича жаҳон чемпионатининг иккинчи финалчиси маълум бўлди

Аргентина терма жамоаси футзал (мини-футбол) бўйича жаҳон чемпионатининг ярим финалида Португалия терма жамоасини 5:2 ҳисобида мағлуб этиб, финалга йўл олди.

Аргентиналиклар сафида голларни Кристиан Борруто, Дамьян Стаццоне, Аламиро Вапораки, Алан Бранди ва Леандро Куссолино киритдилар.

Аргентина мусобақа финалида бундан аввалроқ Эронни 4:3 ҳисобида ютган Россия билан учрашади. 

Аргентина ва Россия терма жамоалари футзал бўйича жаҳон чемпионатининг финалига биринчи марта чиқдилар. Ҳал қилувчи ўйин 2 октябрда Тошкент вақти билан 00:30да бошланади.

Эслатиб ўтамиз, мусобақа Колумбияда бўлиб ўтмоқда.