Қўшимча функционаллар
-
Тунги кўриниш
Нурсултон Назарбоев хасталикдан кейинги илк учрашувини ўтказди
Фото: Акорда
Қозоғистон президенти Нурсултон Назарбоев мамлакат бош прокурори Жакип Асанов билан учрашув ўтказди. Бу ҳақида давлат раҳбарининг расмий сайтида хабар берилди.
Учрашув давомида Асанов давлат раҳбарига ҳуқуқни муҳофаза қилиш органлари фаолияти ҳақида маълумот берди, шунингдек "100 аниқ қадам" Миллат режасининг амалга оширилиши доирасида топшириқларни бажариш ишларининг боришидан бохабар қилди.
Қозоғистон президенти қонун устуворлигини таъминлаш ҳамда мамлакат аҳолисининг ҳуқуқий билимини ошириш борасидаги саъй-ҳаракатларни давом эттириш зарурлигини таъкидлади.
Учрашув натижаларига кўра, давлат раҳбари Жакип Асановга бир қатор топшириқлар берди.
Эслатиб ўтамиз, 11 октябрь, сешанба куни Қозоғистон президентининг матбуот хизмати Назарбоевнинг шамоллаш туфайли даволаш муолажаларини олаётгани тўғрисида хабар берганди.
Президентнинг матбуот котиби Айдос Укибайнинг маълум қилишича, давлат раҳбарининг саломатлиги ҳеч қандай ташвишга ўрин қолдирмайди.
Жорий ҳафта охирига қадар Назарбоевнинг халқаро тадбирларда иштирок этиши режалаштирилмаган. Бундан буён президентнинг фаолияти оддий иш куни жадвалига мувофиқ олиб борилади.
Мавзуга оид
12:47
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
12:33 / 21.11.2024
Қозоғистон ҳолдинги Ўзбекистондан 169 нафар мутахассисни иш билан таъминлайди
16:29 / 19.11.2024
Қозоғистонда магистрал йўлда ўртача тезликни оширганлар жаримага тортилади
20:59 / 18.11.2024