Лос-Анжелесда ресторандаги отишмада 3 киши ҳалок бўлди

АҚШнинг Лос-Анжелес шаҳридаги ресторанлардан бирида юз берган отишмада 3 киши ҳалок бўлди, деб хабар бермоқда Los Angeles Times нашри.

Таъкидланишича, ресторанда бу вақтда 50 кишига яқин одам бўлган. Отишмага мижозлар ўртасида чиққан низо сабаб бўлган. Баҳслашиб қолганлардан 3 нафари ресторандан чиқиб кетиб, бироздан кейин у ерга қурол билан қайтиб, ресторанда ўтирганларга ўқ уза бошлаган. Маълум қилинишича, отишма ресторан ҳовлисида ҳам давом этган.  

Оқибатда 3 киши ҳалок бўлган, яна бир неча киши яраланган. Полиция вакилининг айтишича, кўпчилик жароҳатланганлар ўзлари шифохонага борганлар. 

Полиция айни вақтда жиноятчиларни қидирмоқда.