Ироқ Мўсул қамалида Туркия иштирок этишига рози бўлмаяпти

Ироқ ҳарбий қўмондонлиги Мўсул шаҳрини ИШИД террорчиларидан озод этишда Туркиянинг аралашувини рад этган. Бу ҳақда армия вакили маълумотига асосланиб, “Франс Пресс” хабар бермоқда.

"Ҳамкорликдаги операциялар қўмондонлигининг вакили Найнавани (Ироқ провинцияси, Мўсулдаги маъмурий марказ) озод этишда Туркия иштирокини рад этади", — дея ҳарбийлар сўзидан иқтибос келтирган агентлик.

Маълумот учун, Ироқ ҳарбийлари 17 октябрь куни Мўсулни ИШИД террорчиларидан озод этиш учун кенг кўламли операциялар олиб бормоқда.

Бундан олдинроқ, Туркия бош вазири Биноли Йилдирим Туркия артиллерияси ва танклари Мўсулни озод этишда иштирок этаётган курд ҳарбийларига ёрдам кўрсатаётгани ҳақида маълум қилганди.