Туркия сайёҳлар камайгани сабабли 15 млрд доллар йўқотди

Фото: vestifinance.ru

Туркия икки йил ичида сайёҳлар сонининг кескин камайиши сабабли 15 млрд доллар йўқотди. Бу ҳақда Turizmdatabank ўтказган тадқиқотга иқтибос келтирган ҳолда "Интерфакс" ахборот агентлиги хабар бермоқда.

Таъкидланишича, Туркия бу икки йил ичида 9 млн дан 9,5 млн гача хорижий сайёҳлар йўқотди. Бундан йўқотилган даромад 10 млрд долларгачани ташкил қилди.

Бундан ташқари, сайёҳлар сарф-харажатлари миқдори ҳам камайган. Уларнинг сарф-харажатлари 15-25 фоизга камайган ва 700-800 долларни ташкил қилади. Бу эса 5 млрд доллар йўқотишга олиб келган.

Тадқиқотга кўра, сайёҳлик оқими россияликлар ҳисобига 30 фоизга камайган, улар сони 83 фоизга камроқ бўлган, яъни 3,3 млн кишидан 544 минг кишигача камайиб кетган.

Сентябрь охирида Туркия россиялик сайёҳлар ўртасида машҳурлик бўйича яна етакчи ўринга чиқиб олгани маълум қилинганди.