«Вест Ҳэм» ва «Челси» ўйини вақтида трибунадаги мухлислар муштлашиб кетди

Англия Лига Кубогининг 4-босқичи доирасида бўлиб ўтган «Вест Ҳэм» ва «Челси» жамоалари ўртасидаги ўйин (2:1) мухлислар ўртасидаги тўқнашув билан якунланди. 

Лондондаги Олимпия стадионида кечган баҳснинг сўнги дақиқаларида икки жамоа фанатлари бир-бирларига пластик ўриндиқларни юлиб ота бошлади. Шунингдек, улоқтирилган буюмлар орасига сув идишлари, тангалар ва бошқа буюмлар бор эди.

Стюардлар вазиятни йўлга сола олишмади, шу боис бир нечта тўқнашувлар юзага келган. Можаро полиция аралашуви орқали бартараф этилган.

Қайд этиш керакки, "болғачилар" жамоаси мухлислари янги стадионларида «Уотфорд» ва «Мидлсборо» каби жамоаларга кечган ўйинларда ҳам жанжал кўтаришганди. Шу туфайли стадиондаги стюардлар сони оширилган, аммо «Челси»га қарши ўйинда ҳам жанжалнинг олдини олиб бўлмади.