Буюк Британиянинг собиқ бош вазири евронинг инқирозини башорат қилди

Буюк Британиянинг собиқ бош вазири Дэвид Кэмероннинг башорат қилишича, Европанинг ягона пул бирлиги инқирозга юз тутади. У бу ҳақда АҚШнинг ДеПо университети (DePauw University, Индиана штати) талабаларига қилган маърузасида айтиб ўтган.

"У яна қанча муддат амал қилади, буни билмайман", — деган собиқ бош вазир. Унинг сўзларидан The Daily Mail нашри иқтибос келтирмоқда.

Кэмероннинг фикрича, евро амал қиладиган ҳудудларда янада кўп муаммолар пайдо бўлади. Британияликнинг айтишича, "евро бошида ўйлаганчалик натижа кўрсатмаяпти".