Туркия ҳукумати теракт содир этилган жой номини ўзгартирди

Фото: Reuters

Туркия ҳукумати 44 кишининг ҳаётига зомин бўлган теракт содир этилган жойни қайта номлади. Бу ҳақида Anadolu агентлиги хабар берди.

Маълумки, 10 декабрь куни Туркия марказидаги машҳур "Бешиктош" клубининг футбол стадиони ёнида икки кучли портлаш рўй берди. Туркия бош вазир ўринбосари Нўъмон Куртулмуш турк ҳукумати бу терактларни Курдистон Ишчилар Партияси (КИП) амалга оширганини тахмин қилаётганини маълум қилди. Кейинчалик "Курдистон озодлиги лочинлари" радикал гуруҳи теракт учун жавобгарликни ўз зиммасига олди.

Агентлик маълумотларига кўра, аввал Белештепе номи билан юритилган тепалик эндиликда "Шаҳидлар тепалиги" номини олди. Бешиктош туман маъмурияти теракт содир этилган жойда ҳайкал ўрнатишни режалаштирмоқда.

Бу жойнинг аввалги номини "Бепул тепалик" деб таржима қилиш мумкин: бундай ном берилишига сабаб тепаликдан стадионда нималар бўлаётганини кўриш мумкин, футбол ўйинларига чипта ололмаган мухлислар ўйинни шу ердан кузатиш имконига эга бўлишган.