13 декабрь куни Тошкентда бўлиб ўтган Ўзбекистон Республикаси Олий Мажлиси Сенатининг саккизинчи ялпи йиғилишида сенаторлар Ўзбекистоннинг сайланган Президенти Шавкат Мирзиёевнинг Республика Конституциясининг 24 йиллигига бағишлаб ўтказилган тантанали маросимда сўзлаган маърузасида кўрсатилган вазифалардан келиб чиққан ҳолда Сенатнинг халқаро муносабатлар, ташқи иқтисодий алоқалар, чет эл инвестициялари ва туризм йўналишларидаги фаолиятини ривожлантириш ва жадаллаштириш масалаларини кўриб чиққан.
ЎзА хабарига кўра, Ташқи иқтисодий алоқаларни амалга ошириш, жаҳон миқёсида миллий манфаатларни ҳимоя қилиш, халқаро иқтисодий ҳамкорликни кенгайтириш, мамлакат минтақаларига чет эл инвестициялари ва замонавий технологияларни жалб қилиш, туризмни ривожлантириш, мамлакатнинг халқаро имижини мустаҳкамлаш мақсадида Сенатнинг ташқи сиёсат масалалари қўмитасини халқаро муносабатлар, ташқи иқтисодий алоқалар, чет эл инвестициялари ва туризм қўмитасига айлантириш тўғрисида қарор қабул қилинган.
