Сальвадорда икки йилда илк бора қотиллик содир этилмади

Сальвадор миллий полицияси директори Говард Коттонинг баёнот беришича, 12 январь куни сўнгги икки йилдаги биринчи ижобий натижа қайд этилган. Бир сутка мобайнида бирорта ҳам қотиллик содир этилмаган, деб хабар қилади Associated Press агентлиги.

«Кеча бизда бирорта қотиллик юз бермади. Ҳаётдан кўз юмган бир киши икки кун аввал яраланган эди», — деган бош полициячи. 

Бироқ, 13 январь куни жиноятчилик энг авжига чиққан республиканинг Сакатеколука шаҳри полицияси билан тўқнашувда жиноий гуруҳнинг 2 аъзоси ўлдирилди. 

Қайд этилишича, қотиллик содир этилмаган аввалги натижа 2015 йил 22 январда рўйхатга олинган.