Сурия Исроилни ҳарбий аэродромига зарба беришда айбламоқда

Фото: Samer Bouidani / Zuma / Globallookpress.com

Сурия армияси қўмондонлигининг баёнот беришича, Исроил Дамашқдан ғарбда жойлашган йирик ҳарбий аэродромга ракета зарбаси берган. Бу ҳақда Reuters агентлиги хабар қилган.

Сурия ҳарбийларининг маълумотларига кўра, ярим тундан сўнг, Исроил шимолидаги Тивериад кўли ҳудудидан бир неча ракета учирилган.

Ўққа тутилган аэродром Республика гвардиясининг элита қисмлари томонидан фойдаланилган. Ҳарбийлар бу ҳодисани қўпол ҳаракат деб баҳолаган ва қасд олишларига ваъда қилишган.

Жабрланганлар ва вайроналар ҳақида хабар қилинмаяпти.

Тайёрлаган: Толиб Раҳматов

#Сурия #Исроил #Дамашқ