Мўсулда 2 портлашлар рўй берди, 15 киши ҳалок бўлди

Камида 15 киши Ироқнинг Мўсул шаҳрида рўй берган 2 портлаш оқибатида ҳалок бўлган. Бу ҳақда PressTV хабар тарқатди.

Телеканал маълумотига кўра, тинч аҳоли вакили бўлган 14 киши ҳамда 1 полициячи портлаш қурбонига айланган. Хабар қилинишича, ҳодиса шаҳарнинг шарқий қисмидаги Тал-Ябес шаҳрида рўй берган.

Ҳодисанинг тўлиқ тафсилотлари маълум эмас.

Мўсулни ИШИДдан озод этиш учун амалиётлар ўтган йилнинг октябрь ойидан буён давом эттирилмоқда. Ироқлик ҳарбийлар шаҳарнинг 90 фоизлик қисмида назоратни қўлга олган, қолган қисми террорчилар қўлида қолмоқда.