Парагвайда Венесуэланинг ўнлаб тонна пуллари мусодара қилинди

Парагвай полицияси 13 февраль куни Венесуэла Марказий банкининг камида 25 тонна купюрасини мусодара қилди. Ҳуқуқ-тартибот идоралари вакилининг маълум қилишича, пуллар Бразилия билан чегарадош Сальтос-дель-Гуайра шаҳридаги уйлардан бирига яширилган бўлган. 

Турли номиналдаги купюралар йирик қопларга солинган бўлиб, қуроллар билан савдо қилувчига тегишли экани тахмин қилинаётган уйда сақланган, деб хабар қилади Венесуэланинг Panorama портали.

Ҳозирча, терговчилар Парагвайдаги хусусий уйлардан бирида бу миқдорда Венесуэла боливарининг қандай пайдо бўлишига доир фикрлари йўқ. 

"Бу пулларга Венесуэлада ёки доллар харид қилинган, ёхуд қоғозларининг сифати сабабли сохта доллар ишлаб чиқарилишида фойдаланилган", — дейди Парагвай полицияси вакили.