Қирғизистонда 14 ёшли автомобиль ўғриси ушланди

Қирғизистонда автомобиль ўғирлашда гумон қилиниб 14 ёшли ўспирин қўлга олинди. У қонуний вакиллар кузатувида милиция ҳудудий бўлинмасига олиб келинган. Бу ҳақда республика ИИВ матбуот хизмати хабар қилмоқда. 

Унинг маълумотларга кўра, Ўш вилояти ички ишлар бўлимига Қорасув тумани Янгиариқ қишлоғининг 26 ёшли фуқароси мурожаат қилган. У Ўш шаҳри кўчасида қолдирган Nissan Primera автомашинаси ўғирланганини маълум қилган. 

Бундан ташқари, бишкеклик 28 ёшли Т. К. Subaru Legacy автомобилини Тўқмоқдаги автоювиш жойида қолдирганини, қайтганида машинасини топа олмаганини айтиб ариза топширган. Оператив-қидирув ишларида 24 ёшли Н.Н ҳам қўлга олинган.

Ҳозирда иккала гумонланувчи, аниқланган автомобиллар ва материаллар тергов органларига топширилган.