АҚШ ва Исроилнинг иттифоқи бузилмасдир, дея баёнот берди Америка давлат раҳбари Дональд Трамп Конгресснинг иккала палатаси олдидаги маърузасида.
"Мен Эрон баллистик ракеталар дастурини қўллаб-қувватловчи шахслар ва ташкилотларга нисбатан янги санкциялар жорий қилдим. Шу билан яна бир марта Исроил билан иттифоқимиз мустаҳкамлигини намойиш қилдим", — деган Трамп.
АҚШ февраль ойи бошларида Эронга нисбатан янги санкцияларни киритди. Рўйхатга 13 нафар жисмоний шахс — Эрон, БАА, ХХР, Кувайт ва Ливан фуқаролари ҳамда Эрон, Ливан, ХХР ва БААда жойлашган 12та компания киритилган.
Маълумки, АҚШ халқаро майдонда Исроилнинг азалий иттифоқчиси ҳисобланади.