2017 йилнинг 2 мартида соат 18:06да Маҳаллий баскетбол ассоциациясининг Окленддаги «Голден Стейт Уорриорз» клуби 35 ёшли испан Хосе Кальдерон билан шартнома имзолаш ҳақида эълон қилди. Кальдерон жамоадаги сўнгги бўш ўринга олинди - унда 15 нафардан зиёд ўйинчи бўлиши мумкин эмас.
Бироқ соат 20:05да "Жангчилар"нинг матбуот хизмати клуб испан ўйинчини бўшатгани ҳақида маълум қилди. Умумий ҳисобда Кальдерон жамоа таркибида 1 соату 59 дақиқа вақт ўтказди. TJ шу ҳақидаги мақоласи билан танишди.
Кальдерон ҳатто жамоага қўшилишга ҳам улгурмади. Кейинроқ ОАВ испаниялик ўйинчининг шу икки соат ичида 415 минг доллар олгани ҳақида хабар берди. У бу пулларни мавсум охирига қадар (20дан ортиқ ўйиндан кейин) ишлаб олиши керак эди. USA Today ушбу вазиятни 35 ёшли баскетболчи ҳаётидаги "энг осон топилган пуллар" дея тахмин қилди - у ҳеч нарса қилмай туриб, ҳар бир дақиқада 3,5 минг доллардан пул ишлаган.
Манбага кўра, шу қисқа вақт ичида «Голден Стейт» спортчига форма тайёрлаб, уни «Чикаго Буллс» билан бўладиган матчга олиб келишга улгурган. Бироқ Кальдеронга кийимнинг ҳам ҳожати қолмаган.
3 март куни матбуот конференциясида жамоанинг бош мураббийи Стив Керр нима учун бундай бўлганини изоҳлади. Клуб Кальдерон билан шартнома имзолашдан бир неча кун олдин келишиб олганди. Испаниялик баскетболчи «Уорриорс» таркибида ўйнаш учун ўзининг аввалги клубини тарк этганди. Бироқ сўнгги дақиқаларда Окленд жамоаси жароҳат туфайли етакчи форвардини йўқотади. Шундан кейин уларга айнан шу позиция ўйинчиси (ҳимоячи) керак бўлиб қолди.
Унинг ўрнига сўнгги бўш ўринга бошқа баскетболчи олинди. Бироқ мураббийнинг сўзларига кўра, клуб адолатсиз йўл тутишни истамаган, шу боис расман компенсация тўлаш мақсадида испаниялик спортчи билан икки соатга шартнома имзолаган.
«Голден Стейт Уорриорз» мавсумнинг асосий фаворитларидан бири ҳисобланади. ОАВни эса энди бошқа бир савол қизиқтирмоқда: жамоа мавсумда ғалаба қозонган тақдирда Кальдеронга ҳам бошқа ўйинчилар қаторида анъанавий чемпионлар узуги тақдим этилармикан? (Миллий баскетбола ассоциацияси қоидаларига кўра, мавсум давомида жамоа рўйхатида бўлган ўйинчилар шундай мукофотга эга бўлади).
