Шимолий Корея ОАВ жанубий қўшнисининг Конституциявий суди чиқарган қарор хусусида зудлик билан хабар тарқатди. Корея республикаси Конституциявий суди президент Пак Кин Хега нисбатан жорий қилинган импичментни маъқуллаган эди. КХДР марказий телеграф агентлигининг қайд этишича, Пак Кин Хе, эндиликда, оддий фуқаро сифатида суд олдида жавоб беради.
"Ваколат муддати тугашига бир йил қолганда ағдарилган Пак Кин Хе ўз қилмишлари учун оддий жиноятчилар сингари жавоб беради", - деб таъкидлаган ахборот агентлиги.
Rodong Sinmun марказий газетаси, ўз навбатида, таъкидлашича, Корея республикасининг айрим вакиллари "Жанубий Корея халқининг Пак Кин Хени ағдариш бўйича бирлашган чоралари қаршисида ожиз қолишган".
Расмий Сеул маъмурияти эса Пак Кин Хенинг ҳокимиятдан батамом четлаштирилиши мамлакатнинг КХДР билан муносабатларига таъсир кўрсатмаслигини маълум қилди. "Конституциявий суд қарорига қарамай, Бирлашиш вазирлиги Шимолий Кореяга нисбатан жорий сиёсатни давом эттиради", - деган вазирлик вакили.
Корея миллий мудофаа вазирлиги маълумотларига кўра, Жанубий Корея қуролли кучлари президент Пак Кин Хенинг батамом истеъфога чиққани муносабати билан юқори ҳарбий шайлик ҳолатига келтирилган.
