Пак Кин Хе сўроқ қилинади

Жанубий Кореянинг импичмент туфайли четлатилган президенти Пак Кин Хе прокуратура томонидан 21 март куни коррупция бўйича иш юзасидан сўроқ қилинади. Бу ҳақда «Рёнхап» ахборот агентлиги хабар бермоқда.

«Биз чақирув қоғозини олдик ва тергов билан ҳамкорлик қиламиз», - дея маълум қилди Жанубий Корея собиқ президенти расмий вакили.

Пак Кин Хе сўроққа 21 март куни маҳаллий вақт билан 9:30да келиши керак.

Аввалроқ собиқ президент Жанубий Корея фуқароларидан узр сўрагани ҳақида хабар бергандик.

10 март куни Жанубий Корея конституциявий судининг барча саккиз нафар судьяси Пак Кин Хенинг импичменти ҳақидаги парламент қарорини қўллаб-қувватлади.