Куёв тўйга келмаган меҳмонларни судга бермоқчи бўлди

Озарбойжонда куёв тўйга келмаган меҳмонларни судга бермоқчи. Бу ҳақида адвокат Вугар Сафаралининг маълумотига асосланиб, Vesti.Az хабар берди.

"Озарбойжонда ғайриоддий суд тортишуви бошланиши кутилмоқда. Адвокат Вугар Сафаралининг маълум қилишича, ўз исмини ошкор қилишни истамаган кимса адвокатга тўйга таклиф қилинган, лекин унга ташриф буюрмаган меҳмонларни судга бермоқчи эканлигини айтган", - дея хабар беради агентлик. 

Хабарда таъкидланишича, бундай мурожаатни қондиришнинг иложи йўқ. "Шундай бўлган тақдирда, сўнгги пайтларда Озарбойжонда тўй ўтказишга бизнес сифатида қараётганлар кўпайиб бораётганини тан олишга тўғри келади", - дейди адвокат.