Трамп Жон Кеннедининг қизини ишдан олмоқчи

АҚШ президенти Дональд Трамп душанба куни мамлакатнинг Япониядаги янги элчиси номзодини таклиф қилди, деб хабар берди Оқ уй.

Трамп сенатга тасдиқлаш учун тадбиркор Уильям Фрэнсис Хагерти номзодини илгари сурди. У Hagerty Peterson and Company сармоя ва консалтинг фирмаси асосчиси бўлиб, Теннесси штати ҳукуматида ишлаган.

Япониядаги ҳозирги элчи Кэролайн Кеннеди бу лавозимда 2013 йилдан бери ишлайди. У Барак Обама томонидан элчи этиб тайинланган. Кэролайн – президент Жон Кеннеди ва унинг рафиқаси Жаклин Кеннедининг қизи ҳисобланади.

Аввалроқ Трамп маъмурияти АҚШнинг хориждаги сиёсий тайинлов асосида иш олиб борувчи элчилари ўзгартирилиши ҳақида маълум қилганди.