Туркиянинг олти Европа давлатидаги дипломатик миссияси ва мамлакат назорат-ўтказиш пунктларидаги сайлов участларида конституциявий референдумнинг биринчи уч куни давомида 69079 нафар турк фуқароси овоз берди. Улар хорижда истиқомат қилади.
"Анадолу" агентлигининг Туркия олий сайлов комиссиясига асосан хабар беришича, хорижда референдум бўйича овоз бериш жараёни 27 март куни бошланган бўлиб, энг кўп турк фуқаролари Германияда овоз берган, у ерда 13 та сайлов участкаси бор. Шунингдек сайлов участкалари Франция (6), Швейцария (3), Бельгия (2), Дания (1) ва Люксембургда (1) ҳам очилган.
Бундан ташқари, сайлов участкалари аэропортлар ҳамда Туркиядаги назорат-ўтказиш пунктларида ҳам мавжуд бўлиб, у ерда 11558 инсон овоз берган.
