Buick маркасининг янги Velite 5 модели Chevrolet Volt’нинг кўриниши ўзгартирилган версияси ҳисобланади. Қувватланувчи машина Хитой бозорига мўлжалланган ва унинг бошқа давлатларда сотилиши бўйича маълумотлар йўқ.
Velite 5 ташқи кўриниши бўйича Chevrolet Volt’дан радиатор панжараси, бамперлар ва кундузги юриш чироқларининг ёруғлик диодли блоклари билан ажралиб туради. Янги модел салони "Вольт"ники каби бўлиб, қоплама материаллари билангина фарқланади. Янги модель 1,5 литрли 102 от кучига эга бензинли мотор, 118 ва 65 от кучи берувчи иккита электродвигатель, литий-ионли батарея ва вариатор билан жиҳозланган. Машина тўлиқ қувватланган электродвигателларда 116 км, гибрид режимда эса 768 км йўл босиб ўта олади. Машинанинг тўлиқ қувватланиши учун 4,7 соатга яқин вақт кетади.
Velite 5 10 та хавфсизлик ёстиқчаси, рақамли асбоблар панели, 8 дюймли тачскрин ва Apple CarPlay’ни қўллаб-қувватловчи мультимедиа тизими, мослашувчан иқлим-назорати, ҳаракатланиш полосасида ушлаб туриш тизими, автопарковкачи билан жиҳозланган.
Хэтчбек 18 апрелда илк бор оммага намойиш қилинади. Машина Хитойда General Motors ва SAIC компанияларининг қўшма корхонасида ишлаб чиқарилади.
