Трамп Хитой раҳбарининг таклифини қабул қилди

АҚШ президенти Дональд Трамп ХХР раиси Си Жингпиннинг Хитойга ташрифни амалга ошириш бўйича таклифини қабул қилди. Бу ҳақда Синьҳуа агентлиги хабар тарқатди.

Хитой раҳбари айни вақтда АҚШда ташриф билан бўлиб турибди.  Трамп ўзининг Флорида штатидаги Мар-а-Лаго қароргоҳида Хитой раҳбарини қабул қилган.

"Трамп Си Жингпиннинг Хитойга бориш бўйича таклифини қабул қилди", — дейилган агентлик хабарида.

Хабарда айтилишича, Жингпин Хитой ва Американинг инвестициялар, инфратузилмалар қурилиши ҳамда энергетика соҳаларидаги ҳамкорлигини кенгайтиришни таклиф этган.

Хитой раҳбарининг ташрифи давомида икки кунлик АҚШ—Хитой саммити бўлиб ўтмоқда.