Миланнинг «Интер» жамоаси Мадриднинг «Реал» жамоаси ярим ҳимоячиси Хамес Родригес ҳамда «Монако» ҳимоячиси Фабиньога қизиқиш билдирмоқда.
Corriere dello Sport нашри хабарига кўра, «Интер» спорт директори Пьеро Аузилио бу футболчиларнинг агенти бўлмиш Жорже Мендеш билан учрашган. Хамес ёзда «Реал»ни тарк этиши эҳтимоли юқори. Испанлар клуби унинг трансфери орқали 60 миллион евро ишлаб олишни мўлжаллаган. «Монако» Фабиньо учун 30 миллион евро талаб қилади. Миланликлар клубининг хитойлик хўжайинлари бу трансферлар учун етарли маблағни ажратишга тайёр.
Жорий мавсумда 23 ёшли Фабиньо «Монако» сафида 48 учрашув ўтказди ва 11 гол уриб, 5та голли узатма муаллифи бўлди. 25 ёшли Хамес Родригес эса «Реал» учун 27 ўйинда майдонга тушиб, 6 гол урган ҳамда 13 голга узатма берган.
