Шимолий Корея АҚШнинг «Карл Винсон» авиаташувчисини йўқ қилишга тайёр

24 апрель куни КХДР ўқув машғулотлари ўтказиш учун Корея ярим оролига келган Американинг «Карл Винсон» авиаташувчисини йўқ қилишга тайёр эканини маълум қилди. Бу ҳақида Reuters агентлиги хабар берди.

Нашрга кўра, Шимолий Кореянинг «Родон Синмун» газетасида КХДРнинг "бир зарба билан Америка авиаташувчисини йўқ қилиш"га тайёр инқилобий кучлари ҳақида сўзловчи мақола чоп этилган. 

23 апрелда Шимолий Корея ТИВ Австралияга ядровий зарба билан таҳдид қилди ва АҚШ сиёсатига кўр-кўрона эргашишдан олдин "бунинг оқибатлари ҳақида икки марта ўйлаб кўриш"ни таклиф қилди. 

Дональд Трамп 23 апрель куни Япония бош вазири Синдзо Абэ билан телефонда суҳбатлашди. Абэ суҳбат давомида унинг мамлакати АҚШ билан узвий ҳамкорликни қўллаб-қувватлаши ва КХДР томонидан эҳтимолий хавф шароитларида ўта эҳтиёткор бўлишни айтган.