Фуқаро Р.Норматов (исм-фамилиялар ўзгартирилган) муқаддам жиноят содир этганлиги учун бир неча маротаба судланган бўлса-да, бундан ўзига тегишли хулоса чиқармаган экан, деб ёзади “Ҳуқуқ” газетаси.
У мўмай даромад топиш илинжида яна жиноятга қўл урди. Жиноий шериклари эса фарзандлари – Ҳусан ва Ботир Сангиновлар эди.
Денов шаҳрида ўтказилган тезкор тадбирда Р.Норматов фарзандлари билан ўтган йилнинг март ойида қонунга хилоф равишда АҚШ доллари сотиб олаётган вақтда қўлга олинди. Улардан 4511 АҚШ доллари, 8600 Россия рубли, Хитой юани ва 13 млн. 992 минг сўм пул ашёвий далил тариқасида ҳужжатлаштириб олинди.
Суд ҳукмига кўра ота-болаларга жазо муқаррарлигини таъминланди.
