Дубайда автобус иштирокида йирик автоҳалокат содир бўлди, қурбонлар бор

Фото: arabianbusiness.com

БААнинг йирик шаҳри Дубайда даҳшатли йўл-транспорт ҳодисаси рўй берди, оқибатда 7 киши ҳалок бўлиб, 35 киши яраланди. Бу ҳақда Arabian Business нашри хабар қилмоқда.

Йўловчи автобусининг юк машинаси билан тўқнашуви маҳаллий вақт билан эрталаб соат 8да Al Yalayis кўчасида юз берган.

Полициянинг дастлабки текшируви натижасига кўра, автобус ҳайдовчиси бошқарувни йўқотиб, йўлнинг қарама-қарши йўлагига чиқиб кетган.

Бошқа тафсилотлар маълум қилинмаяпти.