АҚШ ғарбий соҳилларида рўй берган кўчки йирик магистрални тўсиб қўйди

Фото: CNN

АҚШнинг Тинч океани соҳиллари узра қурилган Pacific Coast Highway автомагистрали мамлакатдаги энг чиройли автомобиль йўлларидан бири ҳисобланади. Унинг бир қисми кўчки туфайли тўсилиб қолди, деб хабар қилмоқда CNN телеканали Калифорния штати транспорт департаментига асосланган ҳолда.

Маълумотларга кўра, 20 май куни тонналаб лой аралаш тоғ тупроғи Сан-Льюис-Обиспо шаҳридан 10 км шимолроқдаги йўл қисмига ёпирилган.

Таъкидланишича, трасса асосий диққатга сазовор сайёҳлик масканларидан бири Биг Сур орқали ўтади.

Штат маъмурияти йўлда қатновни тўсиб қўйган, аммо ҳаракат қачон тикланишига ойдинлик киритгани йўқ.