Янгийўл туманида истиқомат қилувчи 1993 йилда туғилган Н.Р. (исм-шариф ўзгартирилган) ўзини мансабдор шахс деб таништириб, моддий манфаатдорлик эвазига ишларини битириб беришини айтиб, фуқароларни алдаб фирибгарлик йўлини тутади.
1985 йилда туғилган Ш.А.ни ишончига кириб, “ер ҳужжатларини расмийлаштириб бериш” важи билан 500 АҚШ доллари миқдоридаги пулларини олиб кетиб, фирибгарлик йўли билан қўлга киритган пулларни ўз эҳтиёжлари учун ишлатиб юборади. Бу ҳақда Тошкент ИИБда ташкил этилган матбуот брифингида маълум қилинди.
Ундан ҳам устаси фаранг фирибгар 1971 йилда туғилган Н.В. бўлиб чиқди. У Зангиота туманида жойлашган кушхонасида “6 фоиз эвазига нақд қилиб бераман” дея алдаб, Тошкент шаҳрида яшовчи тадбиркор 1980 йилда туғилган Б.М.нинг 200 000 000 сўм пули бўлган пластик карточкасини олиб, шу кунга қадар қайтариб бермаган.
Ҳозирда уларга нисбатан Ўзбекистон Республикаси Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
